रामेछाप । रामेछापमा एम्बुलेन्स दुर्घटना हुँदा ३ जना घाइते भएका छन । जिल्लाको दोरम्बा शैलुङ गाउँपालिकाबाट शव लिएर काठमाडौँ जाँदै गरेको एम्बुलेन्स खाँडादेवी गाउँपालिका-३ को चार घरे जङ्गलमा आज दिउँसो दुर्घटना भएको हो ।
एम्बुलेन्स चार घरे जङ्गलस्थित सडकबाट एक सय मिटर तल खस्दा तीन जना घाइते भएका छन । घाइते मध्ये दुईको अवस्था गम्भीर रहेको खाँडादेवी गाउँपालिका-३ भिरपानीका वडा अध्यक्ष पुष्कर कुमार कार्कीले जानकारी दिनुभयो ।
वडा अध्यक्ष कार्कीकाअनुसार दुर्घटना स्थलमा अहिले स्थानीय र प्रहरी पुगेका छन । दुर्घटनाको पुरा विवरण आउन बाँकी छ ।
