हेटौंडा । हेटौंडामा करेन्ट लागेर दुई बालिकाको मृत्यु भएको छ ।
हेटौंडा उपमहानगरपालिका वडा नम्बर १६ चिसापानीस्थित कर्भड हल छेउमा विद्युत सर्ट हुँदा करेन्ट लागी २ बालिकाको मृत्यु भएको हो ।
दिउॅंसो १ बजेको समयमा कबर्ड हलको छेउमा ११ केभीए पिन इन्सुलेटर भाँचिन गई नजिकै रहेको फलामको पोलमा विद्युत सर्ट भई पोल हुँदै पोलको फेदमा जमेको पानिमा विद्युत प्रवाह भएको थियो ।
करेन्ट लागि मृत्यु हुनेमा बारा जिल्ला निजगढ नगरपालिका वडा नम्बर १ बस्ने ९ बर्षीया बालिका र मकवानपुर हेटौडा उपमहानगरपालिका वडा नम्बर १६ की ७ वर्षीया रहेका छन् ।
पैदल हिडीरहेका बालिका जमेको पानीमा करेन्ट लागेर बेहोस भएका थिए । उनीहरु दुबै जनालाई उपचारको लागी हेटौंडा अस्पताल ल्याईएको थियो ।
अस्पतालमै उपचारको क्रममा उनीहरुको मृत्यु भएको जिल्ला प्रहरी कार्यालय मकवानपुरले जनाएको छ ।
