काठमाडौं । राष्ट्रपति रामचन्द्र पौडेलले संघीय संसद्को दुवै सदनको संयुक्त बैठकलाई सम्बोधन गर्नुहुने भएको छ ।
मन्त्रिपरिषद्को सिफारिसमा राष्ट्रपति पौडेलले यही चैत २७ गते शुक्रबार अपराह्न ३ बजे बस्ने संयुक्त बैठकलाई सम्बोधन गर्ने राष्ट्रपति कार्यालयका सचिव महादेव पन्थले जानकारी दिनुभयो ।
निर्वाचनपछिको संसदको पहिलो अधिवेशनमा राष्ट्रपतिले सम्बोधन गर्ने संविधानको धारा ९५ मा व्यवस्था छ।
