काठमाडौं । नेपालका लागि चीनका राजदूत झाङ माओमिङले परराष्ट्रमन्त्री शिशिर खनालसँग शिष्टाचार भेटवार्ता गर्नुभएको छ ।
मंगलबार चिनियाँ राजदूत झाङले परराष्ट्रमन्त्री खनाललाई भेटेर चीनको शुभकामना सन्देश दिनुभएको हो । राजदूत झाङले नेपालको परराष्ट्रमन्त्रीको पदभार ग्रहण गरेकोमा चिनियाँ परराष्ट्रमन्त्रीले पठाएको बधाइ तथा शुभकामना सन्देश हस्तान्तरण गर्नुभएको थियो ।
भेटवार्ताका क्रममा परराष्ट्रमन्त्री खनाल र राजदूत झाङबीच नेपाल र चीनको सम्बन्ध थप सुदृढ बनाउने विषयमा छलफल भएको छ। त्यससँगै दुई देशको आपसी हितका लागि सहयोग अभिवृद्धि गर्ने लगायत विविध विषयमा छलफल भएको परराष्ट्र मन्त्रालयले जनाएको छ।
