काठमाडौं । महिला, बालबालिका तथा ज्येष्ठ नागरिकमन्त्री श्रद्धा श्रेष्ठले आसन्न निर्वाचनलाई निष्पक्ष, स्वतन्त्र र समावेशी तरिकाले सम्पन्न गर्न सरकार जिम्मेवार भएर लागि परेको बताउनुभएको छ ।
सोमबार काठमाडौंमा आयोजित एक कार्यक्रममा बोल्दै उहाँले सो कुरा बताउनुभएको हो । मन्त्री श्रेष्ठले आसन्न निर्वाचनका लागि आम मतदातालाई सूचित, सचेत र जिम्मेवार बनाउन मतदाता शिक्षा कार्यक्रम पनि सुरू गरिएकाले त्यसमा सहभागी हुन पनि आम मतदातालाई आग्रह गर्नुभयो ।
उहाँले निर्वाचनको तयारीको कामलाई सरकार, निर्वाचन आयोग, नागरिक समाजलगायतका सबै पक्षले तिव्रताका साथ अघि बढाएको समेत स्पष्ट पार्नुभयो । मन्त्री श्रेष्ठमा महिला मतदातको संख्या बढाउने कुरामा पनि सरकारले आवश्यक वातावरण बनाउने काम गरिरहेको बताउनु भयो ।
मन्त्री श्रेष्ठले निर्वाचनमा बालबालिकाहरूको दुरूपयोग हुन नदिन पनि सरकार सचेत रहेको बताउनु भयो ।
