झापा । जिल्ला निर्वाचन कार्यालयहरू आगामी फागुन २१ गते हुने प्रतिनिधि सभा निर्वाचनका लागि फागुन ३ गतेदेखि १७ गतेसम्म मतदाता शिक्षा कार्यक्रम चलाउने भएका छन् ।
१५ दिने अवधिमा मतदाता शिक्षकहरू लक्षित मतदाताको घरदैलोमा पुगेर मतदान प्रक्रियाबारे सिकाउने कार्यक्रम छ । त्यस अवधिमा सञ्चारमाध्यमबाटसमेत मतदाता शिक्षाबारे प्रकाशन तथा प्रसारण गरिने छ । त्यस क्रममा निर्वाचन आचारसंहिताबारे समेत जानकारी दिने योजना सम्बन्धित जिल्लास्थित निर्वाचन कार्यालयहरूले बनाएका छन् ।
