सुरक्षाकर्मीको प्राथमिकतामा निर्वाचन, कस्तो छ नागरिकको जिउधनको सुरक्षा व्यवस्था ?

तर यही बेला काठमाडौँसहित विभिन्न स्थानमा चोरी र लुटपाटका घटना भने बढेको देखिन्छ । सुरक्षाकर्मीको प्राथमिकतामा निर्वाचन पर्दा नागरिकको जिउधनको सुरक्षा व्यवस्था कस्तो छ त ?

यस्तै, माघ २२ गते लामो समयदेखि शृंखलाबद्ध चोरीमा संलग्न दुई जनालाई प्रहरीले पक्राउ गर्‍यो । उनीहरूको साथबाट ७६४ ग्राम सुन, १ केजीभन्दा बढी चाँदी तथा विभिन्न देशका मुद्राहरू बरामद गरिएको परिसरले जनाएको छ ।

काठमाडौँ मात्र होइन, पर्सामा पनि घरमा कोही नभएको मौका छोपेर गरगहना चोरी हुने घटना बढेको देखिएको छ । एकातिर निर्वाचन, अर्कोतिर नियमित सुरक्षाको जिम्मेवारी । यस्तोमा नियमित आपराधिक गतिविधिको नियन्त्रणमा प्रहरी कसरी परिचालन हुन्छ ?

नेपाल प्रहरीका प्रवक्ता अबिनारायण काफ्ले प्रहरीले जनशक्ति प्रभावशालीरूपमा परिचालन गरिरहेको बताउनुहुन्छ । “प्रहरीले जनशक्तिको प्रभावशाली परिचालन गरिरहेको छ । अन्य नियमित सुरक्षाको विषय पनि प्रहरीको प्राथमिकतामा छन् ।”

प्रहरी प्रधान कार्यालयले भने निर्वाचन सुरक्षासँगै नियमित पुलिसिङलाई पनि प्राथमिकतामा राखेको बताएको छ । संवेदनशील क्षेत्रहरूमा अतिरिक्त गस्ती, सादा पोसाकका प्रहरी परिचालन र सूचना संकलन बढाइएको प्रहरी प्रधान कार्यालयले जनाएको छ ।