प्यूठान । पछिल्लो समय प्यूठानमा राजनैतिक दलहरूको सक्रियता बढेको छ ।
फागुन २१ गतेका लागि तोकिएको निर्वाचनको मिति नजिकिएसँगै जिल्लामा दलहरूको सक्रियता बढेको हो । दलहरूले चुनावी रणनीति र योजनाका विषयमा छलफल, बहस गर्न थालेका छन् । निर्वाचनको मिति नजिकिएसँगै प्यूठानमा राजनीतिक दलहरूको सक्रियता बढ्दै गएको छ ।
सभा, सम्मेलनको आयोजनासहित दलहरू निर्वाचन केन्द्रित हुन थालेका छन् । २०७९ मा भएको निर्वाचनमा प्यूठानमा एमालेसँग हार ब्यहोरेको राष्ट्रिय जनमोर्चा यसपटक एक्लै निर्वाचनमा जाने तयारीमा छ । नेता तथा कार्यकर्ताले पार्टीको रणनीति यो पटकको निर्वाचनमा एक्लै लड्ने रहेको बताउँदै आएका छन् ।
वैकल्पिक शक्तिका रूपमा उदाएको राष्ट्रिय स्वतन्त्र पार्टी गाउँ अभियानमा लागेको छ । निर्वाचन कन्द्रित अभियानसँगै रास्वपाले गाउँ-गाउँमा सभा, सम्मेलनको आयोजना गर्दै पार्टी प्रवेश अभियान चलाएको छ । नेपाली कम्युनिष्ट पार्टी र एमाले पनि निर्वाचन केन्द्रित अभियानमा जुटिसकेका छन् । प्रतिनिधि सभाका लगि उम्मेदवार सिफारिस गर्ने, संगठन चलायमान बनाउन सभा सम्मेलन आयोजना गर्ने लगायतका काम पुराना दलहरूले पनि सुरू गरेका छन् ।
प्रतिनिधि सभा निर्वाचनका लागि उम्मेदवार सिफारिस गरिसकेको कांग्रेस भने महाधिवेशन निर्वाचनअघि कि पछि भन्ने केन्द्रको अन्यौलले जिल्ला तहमा अन्याेलमै छ । तर अनौपचारिकरूपमै भए पनि नेताहरू गाउँ अभियान, मतदाता भेटघाटमा जुटेका छन् ।
जेन-जी आन्दोलनपछि बनेको अन्तरिम सरकारले घोषित मितिमै निर्वाचन सम्मन्न गर्न दलहरूसँगको छलफल सघन बनाएसँगै दलहरू औपचारिक र अनौपचारिक रूपमा जिल्लास्तरमा निर्वाचन केन्द्रित भएका हुन् ।
.png&w=400&height=300)
.png&w=400&height=300)
