प्रतिनिधि सभा निर्वाचनका लागि धनकुटामा १ लाख १८ हजार ४२५ मतदाता

धनकुटा । आगामी फागुन २१ का लागि तोकिएको प्रतिनिधि सभा निर्वाचनका लागि धनकुटामा १ लाख १८ हजार ४ सय २५ जना मतदाता कायम भएका छन् ।

जिल्ला निर्वाचन कार्यालय धनकुटाले अद्यावधिक गरी कायम गरेको यो मतदाता संख्या २०७९ मा सम्पन्न प्रतिनिधि सभा निर्वाचनको भन्दा १ हजार ४ सय ३४ बढी हो । अघिल्लो प्रतिनिधि सभा निर्वाचनमा धनकुटामा १ लाख १६ हजार ९ सय ९१ मतदाता थिए । 

अहिले कायम मतदाता मध्ये ५९ हजार ४ सय ८३ पुरुष र ५८ हजार ८ सय ४२ महिला रहेको जिल्ला निर्वाचन कार्यालय धनकुटाका सूचना अधिकारी सुरज श्रेष्ठले जानकारी दिनुभयो । प्रतिनिधी सभा सदस्य निर्वाचनका लागि धनकुटामा १ सय १९ मतदान स्थल र १ सय ६६ मतदान केन्द्र कायम गरिएको छ ।