काठमाडौं । प्रधानमन्त्रीका मुख्य सल्लाहकार विष्णु रिमाल र नेकपा एमालेका महासचिव शंकर पोखरेलले नेपालका सूचीकृत नभएका सामाजिक सञ्जाल प्लेटफर्महरू निष्क्रिय हुने संकेत दिनुभएको छ ।
रिमालले सामाजिक सञ्जाल फेसबुकमा लेख्दै सर्वोच्च अदालतले नेपालभित्र सम्पर्क विन्दु,स्वनियमन तथा आवासीय गुनासो सुन्ने अधिकारी तोकी कम्पनी सूचिकृत नगरेसम्म रोक लगाउने आदेश दिएको स्मरण गराउनुभएको छ । उहाँले सम्भवतः दर्ता नभएका सबै सामाजिक सञ्जाल तथा अनलाइन प्लेटफर्महरू निष्क्रिय हुने जानकारी दिनुभएको छ ।
यसैगरि नेकपा एमालेका महासचिव शंकर पोखरेलले पनि दर्ता हुन नआएका सामाजिक सञ्जालहरू बन्द हुने संकेत गर्नुभएको छ । उहाँले लेख्नु भएको छ – 'सामाजिक संजाल बन्द भइ नखुल्दासम्म त्यसले खलबल्याइदिएका असल सामाजिक परम्पराहरू पुनर्स्थापित गर्ने कोसिस गरौँ । सुखद अनुभूति हुनेछ ।'
