काठमाडौं । विषाक्त मदिरा सेवनबाट कुवेतमा ३ दिनमा ९ जना नेपालीको मृत्यु भएको छ । ३० जना बिरामी भएका छन् ।
नेपाली दूतावास कुवेतकाअनुसार विषाक्त मदिरा सेवनपछि बिरामी परेका ३० जना नेपालीको विभिन्न अस्पतालमा उपचार भइरहेको छ । ती मध्ये १० जनाको अवस्था गम्भीर छ ।
श्रम सहचारी गिरिप्रसाद आचार्यले विषाक्त मदिरा सेवनका कारण ३ तीन दिनमा ९ जना नेपालीको मृत्यु भएको ३० जना बिरामी परेको कान्तिपुर समाचारलाई जानकारी दिनुभयो । मृत्यु हुनेमा सबै पुरूष छन् । तर अस्पतालहरूले मृत्युको कारणसहितको पूर्ण रिपोर्ट दिएका छैनन् ।
कुवेतमा मदिरा खरिद बिक्रीमा प्रतिबन्ध छ । नेपालीको पहुँचमा कसरी मदिरा पुग्यो भन्ने विषयमा अनुसन्धान भइरहेको छ । कुवेतमा १ लाख ६० हजारभन्दा धेरै नेपाली श्रमिक छन् । अन्य देशका पनि १ सय ३० जनाभन्दा बढी श्रमिक मदिरा सेवनबाट बिरामी भएका छन् ।
