भेरी । भेरी नदीको किनारमा अवस्थित डोल्पाको सदरमुकाम दुनै बजार भेरी नदीको सतह बढेसँगै उच्च जोखिममा परेको छ ।
अत्याधिक वर्षा हुँदा भेरी नदीको सतह बढी नदी किनारका बस्ती, घर, सडक, बजार क्षेत्र बाढी पस्ने गरेको छ । अघिल्लो वर्षहरूमा पनि पानीको बहाव उच्च हुँदा बजारको होचो भागमा पानी पसेर जनजीवन प्रभावित बनाएको थियो ।
हरेक वर्ष वर्षामा डोल्पाको सदरमुकाम दुनै बजार र भेरी किनारा आसपासका बस्तीहरू त्रसित हुने गरेका छन । एकै छिन पानी परेपनि भेरी नदिको सतह बढ्ने भएकाले पनि दुनै बजार र आसपासका नदी किनाराका बस्तीहरूमा जोखिम बढेको हो ।
नदी किनारामा बजार र घरहरू भएकाले पनि त्यहाँका स्थानीयहरू ठूलो बाढी आयो भने ठूलो क्षति हुन सक्ने भन्दै त्रसित भएका हुन् । यता जिल्ला प्रशासन कार्यलय र जिल्ला प्रहारी कार्यलयले बर्षातको समयमा सजकता अपनाउन सबैलाई आग्रह गरेको प्रमुख जिल्ला अधिकारी रोमबहादुर महतले बताउनु भएको छ ।
सरकारले अबको पाँच वर्षभित्र हरेक नागरिकलाई विपद् पूर्वसूचना दिने व्यवस्था मिलाउने बताएको छ ।