कैलाली । सुदूरपश्चिमको महान् पर्व गौरा पर्वको अवसरमा कान्तिपुर टेलिभिजनकर्मी टेकराज जोशीलाई आइतबार सम्मान गरिएको छ। पत्रकारीताको माध्यमबाट लामो समयदेखि कला, संस्कृति, सामाजिक चेतना तथा विकास–निर्माणसँग सम्बन्धित मुद्दाहरूलाई राष्ट्रिय स्तरसम्म उठाउँदै समाज रूपान्तरणमा पु¥याएको योगदानको उच्च कदरस्वरूप शिखर काफली सेवा समाजले जोशीलाई सम्मान गरेको हो।
कञ्चनपुरको राजघाटमा आयोजित शुभकामना आदान–प्रदान कार्यक्रममा प्रमुख अतिथि प्रदेश सभा सदस्य डम्मरी महरा (रक्षा)ले जोशीलाई सम्मानपत्र प्रदान गर्नुभयो। जोशी विगत १६ वर्षदेखि कैलालीमा रहेर कान्तिपुर टेलिभिजनसँग आबद्ध हुँदै पत्रकारिता गर्दै आउनुभएको छ।
