कोरियन भाषा परीक्षाको आवेदन खुल्यो

श्रावण १९, २०८२ |कान्तिपुर टीभी संवाददाता
कोरियन भाषा परीक्षाको आवेदन खुल्यो

काठमाडौं । वैदेशिक रोजगार विभागको इपीएस कोरिया शाखाले सन् २०२५ को प्रथम चरणको कोरियन भाषा परीक्षाका लागि आवेदन आह्वान गरेको छ ।

उत्पादनमूलक एवं कृषि तथा पशुपालन क्षेत्रमा ५३ सय जनाको कोटाका लागि विभागले भाषा परीक्षाको आवेदन आह्वान गरेको हो । जसमा उत्पादनमूलक क्षेत्रतर्फ ३५ सय र कृषि तथा पशुपालन क्षेत्रतर्फ १८ सय जनाको कोटा रहनेछ ।

एक व्यक्तिले एक क्षेत्रमा मात्र फारम भर्न पाउनेछन् भने भाषा परीक्षा उत्तीर्ण परीक्षार्थीहरुले मात्र दोस्रो चरणको स्कील टेस्टमा सहभागी भएर उत्तीर्ण भएपछि मात्रै रोजगार आवेदन फारम भर्न पाउनेछन् ।

आवेदन दर्ता मिति साउन २६ देखि ३१ गतेसम्म तोकिएको छ भने आवेदकले परीक्षा शुल्कवापत २८ डलर लाग्ने इपीएस शाखाले जनाएको छ ।


Image

कान्तिपुर टीभी संवाददाता

Kantipur TV HD, the most popular TV channel in Nepal, brings Nepal to its audiences. Its programmes provide in-depth analyses about the issues of the day and reflect the people’s voice.