काठमाडौं । बालाजुस्थित नियो चाईल्ड केयर सेन्टरले आफ्नो संरक्षणमा रहेका एक बालकलाई कुटपिट गर्ने कर्मचारीलाई बर्खास्त गरेको छ । सेन्टरले संरक्षणमा रहेका बालकलाई कर्मचारीले कुटपिट गरेकोमा माफी माग्दै आगामी दिनमा त्यस्ता घटना दोहरिन नदिने प्रतिबद्धता पनि जनाएको छ ।
चाईल्ड केयर सेन्टरमा राखिएका बालकलाई संस्थाका कर्मचारीले हिर्काएको भन्दै सामाजिक सञ्जालमा एक भिडियो गत शुक्रबारदेखि भाइरल भनेको थियो । आफ्नो बच्चालाई कुटपिट भएको भन्दै अभिभावकले बनाएको भिडियो भाईरल भएको थियो ।
संस्थाका अध्यक्ष हरि कुँवरले बच्चालाई कुटपिट गर्ने कर्मचारीलाई बर्खास्त गरिएको जानकारी दिनुभयो । अभिभावकसँग सहमति गरी कुटपिट भएका बालकलाई संस्थामै राखिएको पनि सेन्टरले जनाएको छ ।
