काठमाडौं । राष्ट्रिय स्वतन्त्र पार्टी- रास्वपा र राष्ट्रिय प्रजातन्त्र पार्टी- राप्रपाले संसद्मा अवरोध कायमै राखेका छन् ।
प्रतिनिधि सभाको शनिबारको बैठकमा पनि रास्वपा र राप्रपाले अवरोध कायम राखेका हुन् । भिजिट भिसा प्रकरणमा गृहमन्त्री रमेश लेखक पनि मुछिनुभएको आरोप लगाउँदै रास्वपा र राप्रपाले अवरोध जारी राखेका हुन् ।
बैठकमा बोल्दै रास्वपा सांसद गणेश पराजुलीले आफूहरूको आन्दोलन गहन अनुसन्धान गरी बहालवाला वा पूर्वन्यायाधीशको संयोजकत्वमा आयोग बनाउन आग्रह गरेको र आन्दोलन जारी रहने चेतावनी दिनुभयो ।
