काठमाडौं । संघीय संसदअन्तर्गत शनिबार प्रतिनिधि सभाको बैठक बस्दैछ ।
बैठक आज बिहान ११ बजे संसद् भवनमा बस्नेछ । बैठकमा आर्थिक विधेयक, २०८२ माथि प्राप्त संशोधनसहित छलफल हुनेछ ।
आर्थिक विधेयक, २०८२ माथि प्राप्त संशोधनहरूलाई निर्णयार्थ प्रस्तुत गरिनेछ । यस्तै, उपपप्रधान तथा अर्थ मन्त्री विष्णुप्रसाद पौडेलले आर्थिक विधेयक, २०८२ लाई पारित गरियोस् भनी प्रस्ताव प्रस्तुत गर्नुहुनेछ ।
राष्ट्र ऋण उठाउने विधेयक, २०८२ माथिको दफावार छलफल सदनमा गरियोस् भनी प्रस्ताव प्रस्तुत गर्नुहुनेछ । राष्ट्र ऋण उठाउने विधेयक, २०८२ माथि प्राप्त संशोधनहरूलाई निर्णयार्थ प्रस्तुत गरिनेछ ।
उपपप्रधान तथा अर्थमन्त्री विष्णुप्रसाद पौडेलले राष्ट्र ऋण उठाउने विधेयक, २०८२ लाई पारित गरियोस् भनी प्रस्ताव प्रस्तुत गर्नुहुनेछ ।
यस्तै गृहमन्त्री रमेश लेखकले राज्यव्यवस्था समितिको प्रतिवेदन सहितको नेपाल नागरिकता (दोस्रो संशोधन) विधेयक, २०८१ माथि छलफल गरियोस् भन्ने प्रस्ताव प्रस्तुत गर्नुहुनेछ ।
नेपाल नागरिकता (दोस्रो संशोधन) विधेयक, २०८२ लाई पारित गरियोस् भन्ने प्रस्ताव प्रस्तुत गर्नुहुने कार्यसूची रहेको छ ।
