काठमाडौं । स्वीट्जरल्यान्डमा चलिरहेको अन्तर्राष्ट्रिय श्रम सम्मेलनमा नेपालले पुन: एक पटक बाध्यकारी र बालश्रम अन्त्य गर्ने प्रतिबद्धता जनाउँदैछ ।
जेनेभा जानुअघि कान्तिपुर समाचारसँग कुरा गर्दै श्रम, रोजगार तथा सामाजिक सुरक्षामन्त्री शरतसिंह भण्डारीले सम्मेलनमा श्रमिकको सामाजिक न्याय र मर्यादित रोजगारीको विषयमा छलफल हुने जानकारी दिनुभयो ।
जेनेभा भ्रमणका अवसरमा साउदी अरेबिया, मलेसिया लगायतका श्रममन्त्रीहरूसँग छलफल हुँदै छ । साउदी अरेबियासँग अघि बढेको श्रम सम्झौतालाई पूर्णता दिने विषयमा छलफल हुने तालिका छ । त्यस्तै मलेसियाका श्रमममन्त्रीसँग श्रमिक भर्ना प्रक्रियामा हुन खोजेको सिन्डिकेट हटाउने विषयमा छलफल हुने मन्त्री भण्डारीको भनाइ छ ।
श्रममन्त्री भण्डारी नेतृत्वको नेपाली टोली जेठ ३० गते स्वदेश फिर्ता हुनेछ ।
