काठमाडौं । अर्थमन्त्री विष्णुप्रसाद पौडेलले गभर्नर नियुक्तिका लागि अझै केही दिन कुर्नुपर्ने बताउनुभएको छ । कान्तिपुर इकोनोमिक समिटमा अर्थमन्त्री पौडेलले देशले राम्रो गर्यो भनेर मान्ने तहको व्यक्तिलाई राष्ट्र बैंकको गभर्नर बनाइने दाबी गर्नुभयो ।
सिफारिस समिति समेत बस्न नसकेकोले केही दिन ढिला भएको उहाँको भनाइ छ ।
कान्तिपुर मिडिया ग्रुपका अध्यक्ष सिरोहियाले राष्ट्र बैंकको स्वायत्तता बचाउन र संस्थागत क्षयीकरणको शृंखला रोक्न नियमानुसार तत्काल गभर्नर नियुक्तिको प्रक्रिया टुंग्याउन पनि आग्रह गर्नुभयो ।
अर्थमन्त्री पौडेल गभर्नर सिफारिस समितिका संयोजक समेत हुनुहुन्छ । तर अहिलेसम्म समितिको बैठक नै बस्न सकेको छैन ।
