बाथरुममा लडेर घाइते हुनुभएका पूर्वप्रधानमन्त्री दाहालको अवस्था सामान्य

काठमाडौं । बाथरुममा लडेर घाइते हुनुभएका माओवादी केन्द्रका अध्यक्ष एवं पूर्वप्रधानमन्त्री पुष्पकमल दाहाल सामान्य उपचारपछि नियमित काममा फर्किनु भएको छ । छोरी गंगा दाहालले पूर्वप्रधानमन्त्री दाहालको उपचारपछि अवस्था सामान्य रहेको र काममा फर्किनु भएको जानकारी दिनु भएको हो ।

छोरी गंगाले सामाजिक सञ्चालमा लेख्नुभएको छ, 'गएराति बाथरुममा चिप्लिएर बुवाको निधारमा सामान्य बाहिरी चोट लागेकाले नजिकैको मेडिसिटी अस्पतालमा सामान्य चेकजॉचपछि घर फर्केर नियमित काममा संलग्न हुनुभएको छ ।'