राजविराज । सप्तरीमा जनता समाजवादी पार्टी (जसपा) नेपालका कार्यकर्ताबीच आज कुटपिट भएको छ । विष्णुपुर गाउँपालिका–१ को वडा अधिवेशनका क्रममा विवाद बढेपछि दुवै पक्ष कुटपिटमा उत्रिएका थिए । दुई पक्षबीच भएको झगडामा दुई जना घाइते भएका छन् ।
कुटपिटमा घाइते भएका समाजवादी युवा संघ नेपाल, सप्तरीका अध्यक्ष केदारप्रसाद यादव र समाजवादी युवा संघ नेपाल, विष्णुपुर गाउँपालिका समितिका अध्यक्ष देवेन्द्र यादवलाई उपचारका लागि गजेन्द्रनारायण सिंह अस्पताल राजविराजमा भर्ना गरिएको छ ।
घाइते दुवैको टाउकोमा चोट लागेको अस्पतालका चिकित्सकले जानकारी दिनुभयो । घटनाबारे अनुसन्धान भइरहेको सप्तरीका एसपी ढकेन्द्र खतिवडाले बताउनु भएको छ ।
