कपिलवस्तु । कपिलवस्तुको यशोधरा गाउँपालिका-४, पोखरभिटवामा गहुँ खेतमा आगलागी भएको छ । काट्न तयारी अवस्थामा रहेको करिब ५ बिघा गहुँ खेतमा आगलागी भएको छ ।
स्थानीय हजरत अलीको खेतबाट दिउँसो करिब ३ बजेतिर अचानक सुरु भएको आगलागीले २० कृषकको ३ सय क्विन्टलभन्दा बढी गहुँबाली नष्ट भएको सशस्त्र प्रहरी डंगरी बीओपीका प्रमुख सशस्त्र प्रहरी निरीक्षक नवराज देवकोटाले बताउनुभयो । आगलागीबाट १० लाखभन्दा बढीको नोक्सानी भएको सशस्त्र प्रहरीले जनाएको छ ।
कपिलवस्तु नगरपालिकाबाट आएको दमकल, सुरक्षाकर्मी र स्थानीयवासीको सहयोगबाट आगलागी नियन्त्रणमा लिइएको थियो ।
