दैलेख । दैलेखको भैरबी गाउँपालिका वडा नं. ५ मा रुखले च्यापिएर दुई जनाको मृत्यु भएको छ ।
भैरबी गाउँपालिकाको डोक्रामा रहेको सियाला सामुदायिक वनमा रुख काट्ने क्रममा च्यापिएर दुई जनाको मृत्यु भएको हो ।
आमाको वार्षिकीका लागि दाउरा लिन रुख काट्न गएका ४९ वर्षका तर्कबहादुर शाही र २७ वर्षका ईन्द्रबहादुर शाहीको सल्लाको रुख ढाल्दा रुखले च्यापिएर घटना स्थलमै मृत्यु भएको स्थानीय शिक्षक देबिराम आचार्यले जानकारी दिनुभयो ।
रुखले च्यापिएर दुई जनाको मृत्यु भएको खबर आएपछि प्रहरी टोली घट्ना स्थलमा पुगको थियो । घट्ना घटेको स्थलमा प्रहरीले अनुसन्धान गरी शवलाई अहिले पोष्टमार्टमका लागि दुल्लु अस्पताल लगिएको छ ।
