काठमाडौं । संघीय मामिला तथा सामान्य प्रशासन मन्त्रालयले काठमाडौं महानगरपालिकाका प्रमुख प्रशासकीय अधिकृत सरोजप्रसाद गुरागाईंलाई काम गर्ने वातावरण बनाइदिन महानगरलाई पत्र पठाएको छ । मन्त्रालयले पठाएको पत्रमा प्रमुख प्रशासकीय अधिकृतका रूपमा काठमाडौं महानगरपालिकामा खटाइएका गुरागाईंलाई हाजिर भई कार्य सम्पादनका लागि आवश्यक सहजीकरण गरिदिन भनिएको छ ।
महानगर प्रमुख बालेन्द्र शाहले हाजिर गर्न नदिएको गुनासो आएको भन्दै मन्त्रालयले कर्मचारीलाई काम गर्ने वातावरण बनाइदिन आग्रह सहित पत्र पठाए हो । काठमाडौं महानगरपालिकामा खटाइएका गुरागाईंले आफूलाई गत पुस ८ गतेदेखि कार्यालयमा हाजिर गर्न नदिएको भन्दै मन्त्रालय समक्ष लिखित गुनासो गर्नुभएको थियो ।
तर काठमाडौं महानगरपालिका भने प्रमुख प्रशासकीय अधिकृत सरोजप्रसाद गुरागाईंलाई हाजिर गर्न नदिने व्यहोरा सहितको पत्र पठाएको छ । महानगरपालिकाले निमित्त प्रमुख प्रशासकीय अधिकृतलाई आर्थिक अधिकार दिन समेत अनुरोध गरेको छ ।
