काठमाडौं । एक महिनाभन्दा बढी समय छलफल भएको संघीय निजामती सेवा विधेयकमा सहमति जुट्ने नदेखिएपछि राज्यव्यवस्था तथा सुशासन समितिले दफावार छलफल गर्न उपसमिति गठन गरेको छ ।
राज्यव्यवस्था समितिको आज बसेको बैठकले दफावार छलफलका लागि नेपाली कांग्रेसका सांसद दिलेन्द्र बडूको संयोजकत्वमा ११ सदस्यीय उपसमिति गठन गरेको हो । समितिले उपसमितिलाई बढीमा १ महिनाभित्र प्रतिवेदन बुझाउन समय तोकेको छ ।
समितिले १ महिनाभन्दा लामो समय निजामती विधेयकमा छलफल गरेको छ । जसमा १० वटा दफामा छलफल भएका छन् । तीमध्ये २ वटा दफामा मात्रै समितिले सहमति जुटाउन सकेको छ ।
