काभ्रे । काभ्रेको खानीखोला र बेथानचोक गाउँपालिकाको सिमाना थामलेख (महाभारत) मा रहेको सामुदायिक वनमा भीषण आगलागी भएको छ ।
मंगलबार दिउँसो २ बाट लागेको आगो तत्काल निभाउन सकिने अवस्था नरहेको जिल्ला प्रहरी कार्यालय काभ्रेले जनकारी दिएको छ ।
सामुदायिक वनको भिरमा लागेको आगो प्रहरीचौकी फलामेटारका प्र.स.नि. राम सागर महत्तोको कमाण्डमा ४ जनाको टोली र स्थानीयको सहयोगमा आगो निभाउने पहल भइरहेको प्रहरीले जनाएको छ ।
प्रहरीका अनुसार आगो गाउँबस्तीबाट अन्दाजी ४ कि.मि. उत्तर टाढा पर्ने र हालसम्म मानविय तथा चौपाय क्षति नभएको जनाएको छ । प्रहरी चौकी फलामेटारका प्रहरी सहायक निरीक्षक राम सागर महतोका अनुसार वनको भिरमा आगो लागेकोले तत्काल निभाउन सकिने अवस्था छैन ।
