रोल्पा । रोल्पाको त्रिवेणी गाउँपालिका- ४ सिमपानीमा जिप दुर्घटना हुँदा एक जना मृत्यु भएको छ । दुर्घटनामा परी तीन जना गम्भीर घाइते भएका छन् ।
दुर्घटनामा मृत्यु हुनेमा सवारी चालक माडी गाउँपालिका-१ भित्ताबाङ बस्ने २० वर्षीय हुकुम घर्ती रहेको जिल्ला प्रहरी कार्यालय रोल्पाका प्रवक्ता प्रहरी निरीक्षक रोहित कुमार शाहीले जानकारी दिनुभएको छ ।
दुर्घटना परी घाइते हुँनेहरुमा त्रिवेणी गाउँपालिका वडा-४ का १४ वर्षीया दिलमाया घर्ती, सोही वडा -१२का सरिता घर्तिमगर र त्रिवेणी गाउँपालिका-२ नुवागाउँका ११ वर्षीया करुणा बाँठामगर रहेको प्रहरीले जानकारी दिएको छ । घाइते तीन जनाको अवस्था गम्भीर रहेको छ । घाइते तीनै जनालाई नेर्पा स्वास्थ चौकीमा समान्य उपचार पछि दाङ रिफर गरिएको प्रहरी प्रवक्ता शाहीले जानकारी दिनुभएको छ ।
रोल्पाको माडी गाउँपालिका-१ पाटी खोलादेखि सुन्तला लिएर नेपालगन्जतर्फ जाँदै गरेको लु १ च ८६८७ नम्बरको जिप अनियन्त्रि भइ सडकदेखि करिब २०-२५ मिटर तल खसेको प्रहरीले जनाएको छ ।
