काठमाडौं । पूर्वीनवलपरासीको सदरमुकाम कावासोतीमा स्टार कप ब्याडमिन्टन प्रतियोगिता हुने भएको छ । योङ्ग स्टार क्लबको आयोजनामा पुस १० देखि १२ गतेसम्म विभिन्न उमेर समूहको प्रतियोगिता आयोजना गरिने भएको हो ।
पुरुषको ए र बी महिला र जुनियर अन्डर सेभेन्टिन गरी करिब ७० वटा टिम सहभागी रहने आयोजक क्लबका अध्यक्ष आनन्द गुरुङले जानकारी दिए । प्रतियोगितामा विजेतालाई ट्रफीसहित नगद पुरस्कार प्रदान गरिनेछ । प्रतियोगिताले स्थानीय ब्याडमिन्टन खेलाडीको क्षमता अभिवृद्धि र राष्ट्रिय स्तरमा पहिचान गराउने छ ।
युवामा लागुऔषध दुर्व्यासनीसम्बन्धी जनचेतना जगाउने र खेलप्रति रुचि बढाउने उदेश्यले आयोजना गर्न लागिएको प्रतियोगितामा नवलपुर र पश्चिम नवलपरासीका खेलाडीको सहभागिता रहनेछ ।
