संखुवासभा । भोटखोला गाउँपालिका-२ चेपुवामा खुकुरी प्रहार गरी एक जनाको हत्या गरिएको छ । खुकुरी प्रहारबाट ५६ वर्षीय तेन्जोङ भोटेको हत्या भएको जिल्ला प्रहरी कार्यालयका प्रहरी निरीक्षक रामकुमार लामिछानेले बताउनु भयो ।
शनिबार राति धारिलो हतियार प्रहारबाट गम्भीर घाइते भएका भोटेको प्राथमिक स्वास्थ्य चौकी च्याम्ताङमा उपचारको क्रममा आइतबार मृत्यु भएको हो । खुकुरी प्रहारबाट भोटेको कम्मरको गहिरो चोट लागेको थियो । प्रहरीले हत्यामा संलग्न भएको आरोप सोही ठाउँका ६१ वर्षीय छाङवा भोटेलाई पक्राउ गरेर सोमबार जिल्ला प्रहरी कार्यालय ल्याएको छ ।
घटनाका सम्बन्धमा थप अनुसन्धान भइरहेको प्रहरीले जनाएको छ ।
