काठमाडौं । प्रधानमन्त्री केपी शर्मा ओली नेपालमा रोजगारीको अवसर छैन भन्नेकुरा सही नभएको बताउनु भएको छ ।
सातौँ सामाजिक सुरक्षा दिवसको अवसर पारेर ट्रेड युनियन महासंघ (जिफन्ट) ले मंगलबार काठमाडौंमा आयोजना गरेको एक कार्यक्रममा बोल्दै उहाँले यस्तो बताउनुभएको हो । प्रधानमन्त्री ओलीले नेपालमा उपयुक्त खालको आकर्षक रोजगारीको अवसर नभएको कुरा सत्य भएको बताउनुभएको हो ।
नेपालमा रोजगारीको अवसर नभएर खाना नपाउने खालको हाहाकारस्थिति भयो भन्नेकुरा साच्चो नभएको प्रधानमन्त्री ओलीको भनाई थियो । उहाँले जनतालाई उपयुक्त खालको अवसर दिनका लागि सरकारले सामाजिक सुरक्षाको व्यवस्थालाई अघि बढाएको पनि स्मरण गराउनु भयो ।
प्रधानमन्त्री ओलीले नेपालमा कल्पना गर्न नसकिने खालको परिवर्तनहरु भएको दाबी समेत गर्नुभयो ।
