काठमाडौं । समस्याग्रस्त सहकारीबाट धमाधम बचतकर्ताको रकम फिर्ता गराउन थालिएको छ ।
सरकारद्वारा गठित ‘समस्याग्रस्त सहकारी व्यवस्थापन समिति’ले आज पत्रकार सम्मेलन गरि गरी अहिलेसम्म ६ हजार ५ सय ९३ बचतकर्ताको १ अर्ब ५१ करोड रुपैयाँ फिर्ता गरेको जनाएको छ ।
गत साउनयता मात्रै समस्याग्रस्त सहकारीका ४ हजार ८ सय ५६ जना बचतकर्ताको ६४ करोड ८६ लाख फिर्ता गरिएको हो । त्यस्तै ४ सय ३८ बचतकर्ताको आंशिक ३ करोड १ लाख ९९ हजार रकम फिर्ता भएको छ ।
यसअघि सरकारले गत असारसम्म १ हजार २ सय ९९ जनाको ८३ करोड ६५ लाख रकम फिर्ता गरेको थिए । सरकारले सहकारी संस्थाको सम्पत्ति लिलाम, ऋणी बाट ऋण असुली गरेर रकम फिर्ता गरेको छ । आउँदो असार मसान्त ९ वटा सहकारीहरुको रकम राफसाफ गर्न घोषणा गरेको छ ।
त्यस्तै १३ हजार ७५ ऋणीबाट २३ अर्ब ६२ करोड असुली गर्ने समितिले जनाएको छ । तीनवटा वटा समस्याग्रस्त सहकारीको सबै रकम राफसाफ गरि समस्याग्रस्तबाट हटाउने तयारी गरेको छ ।
देशभर रहेका अन्य सरकारीबाट ठगिएका पीडितको पनि रकम फिर्ता गराइदिने छ ।
