कास्की । सहकारी ठगी तथा संगठित अपराधको मुद्दामा पक्राउ परेका पूर्व गृहमन्त्री एवं रास्वपा सभापति रवि लामिछानेलाई जिल्ला अदालत कास्कीले हिरासतमा राखी अनुसन्धान गर्न ६ दिनको म्याद दिएको छ ।
लामिछानेलाई कास्की प्रहरीले आज जिल्ला अदालतमा म्याद थपका लागि उपस्थित गराएको थियो । शुक्रबार काठमाडौंमा पक्राउ परेका लामिछानेलाई शनिबार बिहान ३ बजे पोखरा पुर्याइएको थियो भने शनिबार सार्वजनिक बिदा परेकाले आज अदालत लगिएको थियो ।
लामिछानेलाई गोर्खा मिडियाको सञ्चालक र प्रबन्ध निर्देशक रहँदा पोखराको सूर्यदर्शन सहकारीको बचत अपचलन गरेको आरोपमा म्याद थपेर अनुसन्धान गर्ने र पुरक मुद्दा लैजाने गरी प्रहरीले अदालतमा उपस्थित गराएको थियो ।