काठमाडौं । उपप्रधान तथा सहरी विकासमन्त्री प्रकाशमान सिंहले आफूले मन्त्रालय सम्हालेको १ सय दिनको कामको विवरण सार्वजनिक गर्नुभएको छ ।
सहरी विकास मन्त्रालयमा आज आयोजित पत्रकार सम्मेलनमा मन्त्री सिंहले नतिजा नै देखाउन मिल्ने उपलब्धि नभए पनि पूर्वधार तथा पुनर्निर्माणमा उल्लेख्य काम भएको दाबी गर्नुभयो ।
उहाँले आउना साथै जादुको छडी कोहीसँग नहुने भन्दै सय दिनमा सहर बन्न नसक्ने बताउँदै मन्त्रालयबाट हुन नसकेका कामको बचाउ गर्नु भयो ।
मन्त्री सिंहले संघ, प्रदेश तथा स्थानीय तहमा भएका सरकारी संरचना निर्माण, पुल, भवन निर्माणका सम्पन्न भएका कामबारे जानकारी गराउनुभयो ।
