काठमाडौं । बाँकेकी निर्मला कुर्मीको शंकास्पद मृत्यु र सम्पत्ति हिनामिना प्रकरणको विषयमा न्याय मागिरहेका अधिकारकर्मीहरुले सरकारले आफूहरुको बेवास्ता गरेको आरोप लगाएका छन् ।
काठमाडौं माइतीघरमा ६८ दिनदेखि धर्ना बसिरहेका रुवि खानसहितका अधिकारकर्मीले सरकारसँग भएका पटक-पटकका सहमति कार्यान्वयन नभएको गुनासो गरे । उनीहरुले सरकार पीडितको पक्षमा भन्दा पनि पीडककै पक्षमा उभिएको आरोप लगाए ।
राजनीतिक दलको आडमा अनुसन्धान नगरिएको भन्दै २०७८ सालमा खानसहित बाँकेका १४ जना तीन साता पैदल यात्रा गर्दै काठमाडौं पुगेर माइतीघर मण्डलमा आन्दोलन र धर्ना दिएका थिए । त्यसपछि सरकारले माग पूरा गर्ने प्रतिबद्धता गरेको थियो ।