काठमाडौं । माल्दिभ्सका राष्ट्रपति मोहम्मद मुइज्जुले आज आर्थिक सुधारको एजेन्डा घोषणा गर्नुभएको छ ।
उहाँले आर्थिक सुधारको एजेन्डा अन्तर्गत विभिन्न मन्त्रालयका करिब २ सय २८ राजनीतिक नियुक्तिलाई १५ दिनभित्र हटाउन निर्देशन दिनुभएको छ ।
मुइज्जुले सामाजिक सञ्जाल प्लेटफर्म एक्समार्फत उक्त विषयको जानकारी गराएको बीबीसीले जनाएको छ ।
उहाँले कटौति गरेको सरकारी मन्त्रालयका करिब २ सय २८ राजनीतिक नियुक्तिमा सात राज्यमन्त्री, ४३ उपमन्त्री, १ सय ९ वरिष्ठ राजनीतिक निर्देशक र ६९ राजनीतिक निर्देशक छन् । उक्त निर्णयले सरकारी बजेटबाट हरेक महिना ५ दशमलव ७१४ मिलियन आरएफ (माल्दिभ्स मुद्रा) बचत हुने राष्ट्रपति मुइज्जले बताउनुभएको छ ।
