काठमाडौं । सुख्खा पहिरोका कारण अवरुद्ध बीपी राजमार्ग एकतर्फिरुपमा खुलेको छ ।
करिब दुई हप्तादेखि अवरुद्ध राजमार्ग आज बिहानबाट सञ्चालनमा ल्याइएपनि पुन: सुख्खा पहिरो आएपछि राजमार्ग अवरुद्ध भएको थियो ।
बीपी राजमार्गमा सुख्खा पहिरोले बस र सुमो पुरिएका थिए । अस्थायी डाइभर्सन पनि फेरि बन्द भएको थियो ।
बीपी राजमार्गको रोशी गाउँपालिका- ११ बुलढुङ्गामा सुख्खा पहिरो गएको हो । अहिले पहिरो पन्छाएर सडक एकतर्फि रुपमा सञ्चालन गरिएको प्रहरीले जनाएको छ ।
सडक खुलेपनि यात्रामा सतर्कता अपनाउन प्रहरीले अनुरोध गरेको छ ।