काठमाडौं । महोत्तरीको रामगोपालपुर नगरपालिका वडा नम्बर - २ का वडाध्यक्ष मुकेशकुमार यादव मृत भेटिएका छन् ।
जिल्ला प्रहरी कार्यालय महोत्तरीका प्रवक्ता डीएसपी सन्तुलाल जयसवारका अनुसार जलेश्वर–बर्दिवास सडकखण्डको बर्दिवास नगरपालिका-८ स्थित कलभर्ट छेउमा आज बिहान उनी मृत फेला परेका हुन् ।
यादव मृत फेला परेको छेउमा लु. प्रदेश०१-००१प ६३६२ नम्बरको मोटरसाइकल पनि दुर्घटनाग्रस्त अवस्थामा भेटिएको छ ।
डीएसपी जयसवारका अनुसार मोटरसाइकल कलभर्टमा ठोक्किएर दुर्घटना भएको जस्तो देखिन्छ तर घटनाबारे थप खुलिसकेको छैन । प्रहरीले घटनाबारे थप अनुसन्धान गरिरहेको जनाएको छ ।
यादव नेकपा माओवादीबाट वडाध्यक्षमा निर्वाचित भएका थिए ।
