धनकुटा । धनकुटाको साँगुरीगढी गाउँपालिकामा शुक्रबार राति भएको पिकअप दुर्घटनामा एक जनाको मृत्यु भएको छ भने तीनजना घाइते भएका छन् ।
मृत्यु हुनेमा साँगुरीगढी गाउँपालिका ६ का नीरबहादुर मगर रहेको भेडेटार प्रहरीले जनाएको छ । साँगुरीगढीको मुक्तेनबाट धरानजाँदै गरेको को २ च ११०५ नम्बरको पिकअप सडकबाट करिब एकसय मिटर तल खसेको हो । मृतक नीरबहादुर बिरामी छोरीको उपचारका लागि मुक्तेनबाट धरान जाँदै थिए ।
छोरी घाइते भएकी छिन् । घाइते तीनै जनाको धरानस्थित बीपी कोइराला स्वास्थ्य विज्ञान प्रतिष्ठानमा उपचार भइरहेको छ । रातको समयमा जीर्ण र साँगुरो कच्ची सडकमा चालकले नियन्त्रण गुमाउँदा दुर्घटना भएको हुनसक्ने भेडेटार प्रहरी चौकीका इन्चार्ज रमेश प्रधानले बताउँनु भयो ।
