धादिङ । पुल निर्माणको कामका लागि मंगलबार बिहान साढे ११ बजेदेखि बन्द गरिएको त्रिभुवन राजपथअन्तर्गत धादिङको नौबिसे खण्ड अझै सञ्चालनमा आएको छैन ।
धादिङको धुनिबेंसी नगरपालिका ७, नौबिसेस्थित त्रिभुवन राजपथमा रहेको पुल निर्माण गर्न भन्दै बिहान साढे ११ बजेदेखि सडक बन्द गरिएको थियो ।
सडक आयोजनाले काम गर्नका लागि साढे १ बजेसम्म सडक बन्द गर्नुपर्ने जनाएको थियो । तर काम सक्न अझै केही समय लाग्ने भएकाले सवारीसाधन सञ्चालनमा आउन नसकेको प्रहरीले जनाएको छ ।
संघीय राजधानी काठमाडौं प्रवेशको मुख्य नाकाका रुपमा रहेको सडक लामो समयदेखि अवरुद्ध हुँदा काठमाडौं भित्रने र बाहिरने सयौं सवारीसाधन र यात्रु बीचमै रोकिएका छन् ।
