काठमाडौं । प्रतिनिधिसभाको बैठक सुरु भएको छ । आजको बैठकमा सांसदहरूले उठाएका प्रश्नको जवाफ मन्त्रीहरूले दिने कार्यसूची रहेको छ ।
सहकारी ठगी प्रकरणमा गृहमन्त्री रवि लामिछानेमाथि छानबिन गर्न संसदीय समिति गठन गर्ने पर्ने माग राख्दै आएको कांग्रेसले आज पनि सो माग जारी राखेको छ । बैठकमा बोल्दै सांसद रामकृष्ण यादवले सकेसम्म चाँडो समिति गठन गरेर छानबिनलाई टुङ्ग्याउनु पर्ने बताए ।
सरकारबाटै अनुसन्धान रोकिएको दाबी गर्दै सांसद् यादवले भने, ‘विश्वासको संकट उत्पन्न भएको छ । जनताको पैसा दुरुपयोग भएको विषयमा जनताको न्याय टुहुरो भएको छ । त्यसकारण निष्पक्ष छानबिनका लागि संसदीय समित आवश्यक भयो ।’