स्वास्थ्यजस्तो संवेदनशील क्षेत्रमा तालाबन्दी नगर्न उच्च अदालत विराटनगरको आदेश

विराटनगर । उच्च अदालत विराटनगरले स्वास्थ्यजस्तो संवेदनशील क्षेत्रमा बन्द, हडताल, तालाबन्दी नगर्न/ नगराउन आदेश जारी गरेको छ ।

बीपी कोइराला स्वास्थ्य विज्ञान प्रतिष्ठानस्थित उपकुलपतिको कार्यकक्षमा धरान उपमहानगरका प्रमुख हर्क साम्पाङले तालाबन्दी गरेपछि परेको रिटमाथि सुनवाइ गर्दै उच्च अदालतले आज कारण देखाऊसहित यस्तो आदेश जारी गरेको हो । 

जिल्ला प्रशासन कार्यालय सुनसरी, धरानका मेयर हर्कराज राई-साम्पाङसहित ९ जना विपक्षीको नाममा उच्चले अन्तरिम आदेशसहित कारण देखाऊ आदेश जारी गरेको हो । सञ्जीवकुमार साहद्वारा उत्प्रेषणयुक्त परमादेश माग गर्दै दायर रिटमा उच्च अदालतकी न्यायाधीश श्रीधरा कुमारी पुडासैनीको इजलासले सो आदेश दिएको हो ।

गत सोमबार नगरप्रमुख साम्पाङले प्रतिष्ठानमा आन्दोलनरत शिक्षक, कर्मचारी र चिकित्सकको आन्दोलनप्रति समर्थन जनाउँदै उपकुलपतिको कार्यकक्षमा ताला लगाएका थिए ।

सम्बन्धित समाचार...

बीपी प्रतिष्ठानका सेवा आज छैटौं दिन पनि ठप्प