सर्लाही । सर्लाहीका प्रमुख जिल्ला अधिकारी कोमलप्रसाद धमलासहितका स्थानीय सुरक्षा अधिकारी बरहथहा पुगेर हिजो भएको घटनामा मारिएका जयशंकर साहको परिवारसँग छलफल गरेका छन् ।
जिल्ला प्रशासन कार्यालयमा आज दिउँसो भएको सर्वदलीय बैठकको निर्णयअनुसार प्रमुख जिल्ला अधिकारीसहितका सुरक्षा अधिकारी बरहथवा पुगेका हुन् ।
उनीहरूले मृतक जयशंकरकी आमालाई भेटेर घटनाप्रति दुःख व्यक्त गरेका थिए भने सरकारले गरेको निर्णयका बारेमा जानकारी गराएका थिए । परिवारसँगको भेटपछि अहिले इलाका प्रहरी कार्यालय बरहथवामा पीडित पक्षसहित सुरक्षा निकायका अधिकारीहरूको बैठक बसिरहेको छ ।
सर्वदलीय बैठकले मृतकको शव व्यवस्थापन गर्ने, घटनामा प्रहरी दोषी देखिए कारबाही गर्ने, मृतकप्रति समवेदना व्यक्त गर्ने, प्रमुख जिल्ला अधिकारीसहितका सुरक्षा अधिकारीले घटनास्थलको स्थलगत निरीक्षण गर्ने निर्णय गरेको हो ।
सम्बन्धित समाचार...
सर्लाही घटनाको छानबिन गर्न तीन सदस्यीय समिति गठन, मृतकका परिवारलाई दश लाख राहत
