काठमाडौं । किरात समुदायले आज उधौली पर्व प्रकृतिको पूजाआजा गरी हर्षोल्लासका साथ मनाएका छन् ।
अन्नबाली भित्र्याउनुअघि प्रकृति र पितृको पूजा गरी उधौली पर्व मनाउने चलन छ । किरात मान्यताअनुसार आजदेखि हिउँद सुरु भएको र चराचुरुंगी तथा वस्तुभाउ लेकबाट बेंसीतिर बसाइँ सर्ने विश्वास गरिन्छ ।
उधौली पर्वको अवसरमा आज सरकारले सार्वजनिक बिदासमेत दिएको छ ।
मंसिर पूर्णिमामा मनाइने उधौली तिथि सरेका कारण यसपालि पुसमा परेको हो । किरातहरुको धार्मिक पुस्तक मुन्धुममा चराहरुको बसाइँसराईलाई आधार मानेर दुई भागमा विभाजन गरिएको छ । उनीहरुले वैशाखमा उभौली मनाउने गर्छन् ।
हेरौं काठमाडौंमा रहेका किरात समुदायले मनाएको उधौली पर्वका थप तस्बिर :
