काठमाडौं । लुम्बिनी प्रदेशमा निजामती सेवामा कार्यरत महिला कर्मचारीले महिनावारी भएका बेला बिदा पाउने भएका छन् ।
प्रदेशसभाबाट पारित भई मंसिर २१ गते प्रमाणीकरण भइसकेको प्रदेश निजामती सेवाको गठन, सञ्चालन र सेवाका सर्तसम्बन्धी ऐनले 'महिनावारी बिदा'को व्यवस्था गरेको हो ।
प्रदेश निजामती सेवा ऐनको दफा ११७ को उपदफा १ (ग) मा यस्तो बिदाको व्यवस्था गरिएको छ । महिला कर्मचारीलाई यसअघि प्रसुति बिदा दिने गरिएकोमा लुम्बिनी प्रदेशमा अब महिनाबारी बिदा पनि थपिएको हो ।
