डडेलधुरा । डडेलधुराको आलितालमा करेन्ट लागेर एक युवकको मृत्यु भएको छ । डडेलधुराको आलिताल गाउँपालिका ७, राउजालीका २२ वर्षीय राजेन्द्र विष्टको खोलामा करेन्ट लगाएर माछा मार्न खोज्दा मृत्यु भएको हो ।
इलाका प्रहरी कार्यालय जोगबुडाका प्रहरी निरीक्षक गगनसिंह भाटका अनुसार विद्युत्को मेन लाइनबाट तार तानेर सुन खोलामा माछा मार्ने क्रममा करेन्ट लागेर उनको मृत्यु भएको हो ।
शनिबार साँझ करिब ६ बजे करेन्ट लागेर बेहोस भएका विष्टलाई उपचारका लागि जोगबुडा अस्पताल लगिएको थियो । विष्टको अस्पताल पुग्नुभन्दा पहिला नै मृत्यु भइसकेको अस्पताल स्रोतले जनाएको छ ।
.png&w=400&height=300)
