अर्घाखाँची । अविरल वर्षासँगै पहिरो खस्दा गोरुसिंगे-सन्धिखर्क सडक अवरुद्ध भएको छ ।
सन्धिखर्क-६ नरपानीको बहखोरा र सितगंगाको सितापुरको भुवनपाटामा गएराति पहिरो खसेपछि सडक अवरुद्ध बनेको जिल्ला प्रहरी कार्यालय अर्घाखाँचीका प्रहरी नायब उपरीक्षक मुकुन्द रिजालले जनाए ।
गोरुसिंगे-सन्धिखर्क सडकको सन्धिखर्क-६ नरपानीकै दहखोला र शितगंगा-१३ कोन्द्रे खोलामा र बहखोरको सडकमा खसेको पहिरो पन्छाउने कार्य भइरहेको र निरन्तर पानी परिरहेकाले सडक खुलाउन समस्या भएको प्रहरी प्रमुख डीएसपी रिजालले जानकारी दिए ।
सडक अवरुद्ध बनेपछि सन्धिखर्कबाट बाहिर जाने र बाहिरबाट सन्धिखर्क आउने यात्रुहरु बीच बाटोमै रोकिएका छन् ।
