काठमाडौं । सुनसरीको इटहरी उपमहानगरले ६ लेन सडक विस्तार क्षेत्राधिकारभित्र पर्ने घर भत्काउन थालेको छ ।
इटहरी उपमहानगर प्रमुख हेमकर्ण पौडेल नेतृत्वको टोलीले ठूलो संख्यामा प्रहरी परिचालन गरी ६ लेन सडक क्षेत्राधिकारभित्र पर्ने संरचना भत्काउन थालेको हो । रानी-विराटनगर-इटहरी-धरान सडक आयोजनाअन्तर्गत इटहरीको मुख्य बजारमा काम अलपत्र परेपछि उपमहानगरले शुक्रबार दोस्रोपटक डोजर चलाएको हो ।
यसअघि गत माघमा विराटनगर लाइनमा पर्ने वडा नम्बर ६ का ३४ वटा घरहरु भत्काइएका थिए । पटक पटक आग्रह गर्दा पनि ९ नम्बर वडाका केही घरधनीले घर नभत्काएपछि बल प्रयोग गर्नु परेको नगरप्रमुख हेमकर्ण पौडेलले बताए ।