काठमाडौं । अनलाइन बेटिङ प्लेटफर्मको विज्ञापन तथा प्रचार गरेको आरोपमा कलाकार राजु पौडेल ‘राजु मास्टर’, मरिचमान श्रेष्ठ ‘बल्छी धुर्वे’सहित आठ जनालाई प्रहरीले पक्राउ गरी मुद्दा चलाएको छ ।
पक्राउ पर्नेमा कलाकार पौडेल र श्रेष्ठसहित पवन खतिवडा, एलिश राई, ज्वलन घर्तीमगर, गणेश देवकोटा, सरोज घिमिरे र वेगम नेपाली रहेका छन् । बिहीबार प्रहरीले उनीहरुलाई पक्राउ गरी सरकारी वकिलको कार्यालयमा म्याद थपका लागि उपस्थित गराएको थियो ।
प्रहरीले पक्राउ परेकाहरुले युट्युबबाट बेटिङ एप वानएक्स बेटको प्रचार गरेको बताएको छ । युट्युबमा प्रोमो कोड प्रयोग गरी वानएक्स बेटिङमा छुट प्राप्त गर्न सकिने भन्दै विज्ञापन गरेकाले उनीहरुलाई पक्राउ गरिएको प्रहरी वरिष्ठ उपरीक्षक डा. मनोजकुमार केसीले जनकारी दिए । पक्राउ परेकाहरुप्रति जुवा ऐन र राष्ट्र बैंक ऐन आकर्षित उनको भनाइ छ ।
केसीले भने, ‘आज हामीले ८ जनालाई पक्राउ गरी सार्वजनिक गरेका छौं । वान एक्सबेट विभिन्न माध्यमबाट, विभिन्न मिडियाबाट वान एक्सबेटलाई प्रमोसन गर्ने र त्यसको प्रोमो कोर्ड पनि राख्नेलाई पक्राउ गरेर हामीले अनुसन्धानको प्रक्रियामा नै लिएर गएका छौं। पक्राउ परेका व्यक्तिले वान एक्सबेटलाई प्रमोसन गर्ने र प्रमोसन गरेवापत निश्चित कमिसन प्राप्त गरेको देखिएको छ । यसमा पपुलर टेलिसिरियल सञ्चालन गर्ने र धेरै सस्क्राइबर युट्युबरहरु छन् । हाम्रोमा यो गैरकानुनी हो ।’
यो पनि...
अवैध सट्टेबाजीमा संलग्न भएको आरोपमा कलाकार बल्छी धुर्वे पक्राउ
