काठमाडौं । ठगी प्रकरणमा तानिएपछि फरार भएका पूर्वउपप्रधानमन्त्री एवं नेकपा एमाले सचिव टोपबहादुर रायमाझीको सातदोबाटोस्थित घरमा मंगलबार काठमाडौं प्रहरी परिसरले छापा मारेको छ ।
नेपालीलाई भुटानी शरणार्थी बनाएर अमेरिका लैजाने भन्दै पैसा सङ्कलन गर्ने गिरोहमा रायमाझीको नाम पनि मुछिएको थियो । यसै प्रकरणमा रायमाझीका छोरा सन्दीपलाई पक्राउ गरी अनुसन्धान जारी छ । अनुसन्धानकै क्रममा यस प्रकरणमा रायमझीको पनि नाम जोडिएसँगै उनी अर्घाखाँचीको एक कार्यक्रमबाट फरार भएका हुन् । फरार रायमाझीलाई छानबिनका लागि प्रहरीले खोजी गरिरहेको छ ।
जिल्ला अदालत काठमाडौंबाट रायमाझीलाई पक्राउ गर्न अनुमति लिएको केही घण्टादेखि बितिसके पनि उनी सम्पर्कमा आएका छैनन् । रायमाझी कहाँ छन् भन्ने अनुसन्धानकै क्रममा रहेको प्रहरीको भनाइ छ । प्रहरीले रायमाझीको घरमा उनी चढ्ने गाडी मात्र फेला पारेको छ ।
सम्बन्धित समाचार...
नक्कली भुटानी शरणार्थी प्रकरण : टोपबहादुरका छोरा सन्दीप पक्राउ
