काठमाडौं । नेपाल प्रहरीका चार जना (प्रहरी नायव महानिरीक्षक) डीआईजीलाई (प्रहरी अतिरिक्त महानिरीक्षक) एआईजीमा बढुवाका लागि सिफारिस गरिएको छ ।
गृह मन्त्रालयको बढुवा सिफारिस समितिको सोमबार बसेको बैठकले रिक्त रहेको एआईजी पदमा चार जना डीआईजीलाई बढुवाका लागि सिफारिस गरेको हो ।
डीआईजीहरु सन्दीप भण्डारी, सुदिप गिरी, मिरा चौधरी र टेकबहादुर तामाङ बढुवाको सिफारिसमा परेका छन् ।
समितिले गरेको सिफारिसमा डीआईजी सन्दीप भण्डारीको नाम पहिलो नम्बरमा छ । प्रहरी प्रधान कार्यालय, कार्य निर्देशनालय, नक्सालमा दरबन्दी भएका भण्डारीको अंक ६८.४६१२ रहेको छ ।
यस्तै दोस्रो नम्बरमा रहेका गिरीको अंक ६८.२११२ छ भने तेस्रो नम्बरमा रहेकी चौधरीको अंक ६७.८३०६ रहेको छ । चौथो नम्बरमा परेका तामाङको ६७.६९७३ रहेको बढुवा समितिले जनाएको छ ।